Ég birti hér erindi sem mér barst frá kvikmynda fyrirtæki sem er að fara að gera kvikmynd um leiðtogafund Regans og Gorbachev og vantar viðeigandi ökutæki til verksins ef einhverjir hafa áhuga.
Áhugasamir geta haft samband við Jón Steinar á joncinema@gmail.com.
Ég sendi hérhugmyndir yfir það sem ég er að skima eftir af farartækjum fyrir þessa bíómynd.
Ég er að leita að bílum á aldursbilinu 1975 til 1986. Ívið eldra er alltaf möguleiki svo lengi sem það meikar einhvern sens.
Helstu áhyggjuefni mín og óskir varða Limousine, helst svört af gerðinni Lincoln, Chrysler og Cadillac. Ég hef fundið þrjá mögulega bíla hjá Kristjáni Pálssyni á Blönduósi, sem falla ekki alveg inn í þetta hvað liti og form varðar svo það væri gaman að vita hvort einhver vissi af fleiri slíkum bílum. Svo er það auðvitað forsetabíllin á Ystafelli, sem er inni í þessari mynd, en tæplega sem aðalbíllinn. Hann er ólengdur og því ekki eins og fyrirmyndin, sem er Cadillac Fleetwood 1986. Bílarnir sem Gorbachev kom með eru af gerðinni ZIL og eru ófáanlegir nema í Rússlandi. Hugmyndin var að búa til sama grill og setja á Lincholn eða álíka bíl til að búa til það útlit.
Hin áhyggjuefnin og óskirnar varða lögreglubíla og mótorhjól frá þessum tíma. Ég er því að leita að Chevrolet Suburban, Volvo og Harley Davidsson frá þessu tímabili, sem hægt væri að breyta í lögreglufarkosti. Allar hugmyndir yrðu því vel þegnar varðandi þetta. Litir eiga ekki að vera atriði, því þeim er hægt að breyta með fólíum. Gott væri þó að geta sloppið við slíka vinnu, svo hvítur er æskilegur sem grunnlitur.
Annars er ég að leita að allskonar bílum frá þessum tíma í góðu ásigkomulagi. Mersedes Benz bílar eru þar á meðal, volgur, Lödur og svo bíltegundir sem eru líklegar til að hafa verið á götum borgarinnar á þessum tíma. Gott væri að fá ljósmyndir af þeim bílum sem kæmu til greina ef þær eru tiltækar, annars get ég farið hvert sem er og myndað þá ef engar myndir eru til.