Sælir spjallverjar, ég hef ekki kynnt mig hér á spjallinu svo að ég geri það því hér með. Sigurbjartur Sigurjónsson heiti ég og er á mínu 24. aldursári. Bý í Mosfellsbænum og er með smá vott af bíladellu.
Ég eignaðist minn fyrsta fornbíl nú á dögunum en hann er af gerðinni Vauxhall 14/6 árgerð 1948 og flutti ég hann inn frá Bretlandi.
Bíllinn er á uppgerðarstigi en ég er nú þegar kominn langt með að rífa hann niður og gera tilbúinn fyrir sandblástur.
Læt fylgja hérna tvær myndir með til að byrja með og reyni svo að uppfæra þennan póst reglulega þegar einhvað nýtt gerist.
11/6 2011. Jæja nokkrar myndir af bílnum frá því að við byrjuðum að rífa hann í sundur, á eftir að setja fleirri myndir inní tölvuna en læt þessar duga í bili;
Jæja búnir að vera vinna í þessum hægt og rólega, mikið að gera í sumar svo að ekki gafst mikill tími fyrir hann.
Létum sandblása hann en finn ekki myndirnar eftir að við fengum hann til baka úr sandblæstri. Bæti þeim inn þegar ég finn þær.
Einsog staðan er í dag þá er body-ið komið langt á leið með að vera tilbúið til að fara í klefa og sprauta. Búnir að grunna og byrjaðir að mála bílinn að innan sem mun þó hverfa undir innréttinguna. Bíllinn verður sprautaður með Candy Apple Red lit.
Bíllinn settur uppá Scania H142 árg.82 sem er í eigu gamla og fórum með hann í sandblástur.
Merkilega heillegur!
Búnir að grunna og laga það sem þurfti að laga á body, farinn að líta nokkuð vel út.
Byrjaðir að sprauta að innan, gerðum það bara í bílskúrnum þar sem þetta mun verða undir innréttingunni að mestu.
Komum fyrir tökkum sem stýra ljósabúnaði og fleiru. Miðjuflipinn stjórnar gömlu stefnuljósunum sem sjást hér fyrir neðan.
Gömlu stefnuljósin.
Verið að máta teppið í bílinn.
Stólarnir og teppið komið á sinn stað.
Hátölurum komið fyrir bakvið afturbekkinn.